પવિત્ર પરિણય


પ્રિય રેચલ અને આનંદ,

લાંબા સંઘર્ષ અને રાહ પછી તમે એક જાણીતા પણ અનોખા સંબંધમાં જોડાઈ ગયા છો. દિલથી અભિનંદન. 😍🥰😘

નવજીવન… જેની સાથે જીવવાનાં સપનાં જોયા હોય એની સાથે જીવવા મળે એનાં જેવું સુખ બીજું શું હોય! તમારી આ યાત્રા અત્યંત સુખદ રહે એવી અમારી શુભેચ્છાઓ છે. 🥰

આજનાં તબક્કે હું કહીશ કે રોજ સવારે સાંજ મળવું અને ભવિષ્યનાં સ્વપ્નો જોવા અલગ વાત છે અને સતત સાથે રહેવું અલગ વાત છે. એક છત નીચે રહીએ ત્યારે જ ખામીઓ અને ખૂબીઓની જાણ થાય છે. સફળ લગ્નજીવન જેવા છે એવાં સ્વીકારવાથી શરૂ થઈ એકમેકને વધુને વધુ ગમતાં રહીએ એવાં મુકામે પહોંચવું જોઈએ. અલબત એકમેકને બદલ્યા વગર ચાહ્યા કરવાની મજા જ કોઈ અલગ છે 🤩.

દરેક સંબંધ અનેક પડાવોમાંથી પસાર થાય છે ત્યારે આપણી જવાબદારી એ હોવી જોઈએ કે વિપરીત પરિસ્થિતિમાં પણ લાગણી વધુને વધુ મજબૂત બને. એક ઘરમાં રહેવું એટલે એકમેકનાં જીવનમાં રહેવું. ફક્ત એક ઘરની ચાર દિવાલો વચ્ચે શ્વાસ લેવો એ જીવન નથી. સંબંધ સતત જીવંત રાખવો જરૂરી છે.

અનેક વખતે એવું બનશે કે જીવન પડકાર જેવું લાગશે પણ પડકાર તો ક્યાં નથી? જીવનસાથી સાથે સમાધાનથી રહી ન શકનાર એ પછી આખુ આયખું પોતાનાં પરિવારનાં અન્ય સભ્યો સાથે સાવ કમને સમાધાન કરતાં રહે છે. થોડું નહીં ઘણું અને ઘણી વખત જતું કરવું પડશે… તમારે બંનેએ. એ જ જીવનનો સાર છે. મમત અને જીદ પકડી રાખવાથી સંબંધને મોટું નુકસાન થતું હોય છે.

સૌથી ઉત્તમ ભેટ સમય જ હોય છે જે તમારે પરિવાર અને વ્યવસાય વચ્ચે પણ એકબીજા માટે ફાળવવો રહ્યો.

સામાન્ય રીતે કહેવાતું હોય છે કે દીકરીએ લગ્ન પછી પોતાની જિંદગીને અન્યને અનુકૂળ બનાવી જીવવાની હોય છે અને અમુક અંશે એ સાચું પણ છે. પણ આજે અમે તને ખાતરી અને ભરોસો આપવા માંગીએ છીએ કે તારા જીવનની દરેક લડાઈમાં અમે સતત તારો સાથ આપીશું. તું ઘરથી વિદાય થઈ રહી છે જીવનમાંથી નહીં. તારા ખુશી અને પડકારો તું અમારા ખભા પર શેર કરી જ શકે છે.

જેટલી અપેક્ષા તારા તરફથી આનંદનાં પરિવારને હોય એટલી જ અપેક્ષા અમને પણ આનંદ તરફથી રહેશે. અમે દીકરી આપીને દીકરો લીધો છે. જોકે આપવું કે લેવું કરતાં ઉમેરાયું એમ કહેવું વધુ ઉચિત લાગે છે. જેમ રેચલ બધી જ લાગણી શેર કરશે એમ જ અમારો દીકરો આનંદ એનાં જીવનની દરેક હરકત અને હલચલમાં અમને સામેલ કરશે એ અમને ખૂબ ગમશે.

રહી વાત પરિવારની તો પ્રજાપતિ પરિવાર જેવા આધુનિક અને સુધારાવાદી પરિવાર સાથે જોડાઈ શક્યા એ અત્યંત ગર્વની વાત છે. તમારે પરિવારની એ લાગણી અને પરંપરાને આગળ વધારવાની છે.

કોર્ટ મેરેજમાંથી grand wedding સુધી આ સંબંધને લઈ આવવાનું કામ કોઈ મોટા મનનાં માણસો જ કરી શકે છે. 😍 આવા સંબંધી આપવા બદલ ઈશ્વરનો આભાર. 🥰 એમનો આ સહકાર તમારે ક્યારેય ભૂલવાનો નથી.

તમારા બંનેની ધાર્મિક માન્યતાઓ અલગ છે એ એક મોટો પડકાર છે પણ અમને વિશ્વાસ છે કે તમે એકમેકને માન અને મોકળાશ આપશો. એક જ ધાર્મિક માન્યતા ધરાવતા અનેક લોકોને એક સાથે રહેવું ફાવ્યું નથી એવાં ઉદાહરણ પણ આપણી સામે છે જ એટલે અનુકૂલન છોડવું નહીં.

કોઈ વગર કશું અટકતું નથી એ વાત જેટલી સાચી છે એટલી જ સાચી એ વાત છે કે કોઈ જીવનમાંથી વિદાય થાય છે ત્યારે કાયમ કશીક અધુરપ અનુભવાતી હોય છે એટલે દરેક સંબંધોને જાળવી રાખવાની જવાબદારી હું તમને ગંભીરતાથી સોંપુ છું. થોડું જતું કરીને પણ જાળવી લેવું.

ઈશ્વર જેટલું સંપૂર્ણ માણસ કેવી રીતે બની શકે? એટલે માણસમાં સહારો કે આશ્વાસન શોધવા કરતાં બધુ જ ઈશ્વરને સોંપી દેજો. તમારી દરેક સવાર પ્રાર્થનાથી શરૂ કરજો. ઈશ્વરનાં આશીર્વાદ ક્યારેય ભૂલવા નહીં પણ સતત ગણ્યા કરવા. એનાં આશીર્વાદથી જ તમે આજે આ સંબંધમાં જોડાઈ શક્યા છો.

ઈશ્વર તમારા સંબંધોમાં સદા સાથે રહેશે અને તમને સાંભળશે- સંભાળશે.

સ્નેહ, સમય, સ્વિકૃતિ, સાથ, સહકાર, સમજણ અને સહનશીલતા……. આટલા બધા ‘સ’  સુખી થવાનાં એક ‘સ’ માટે જવાબદાર છે.

અમારી પ્રાર્થનાઓ સદા તમારી સાથે છે અને રહેશે.

With loads of love 😍 💐

#MomDad 😘

Screenshot_20200213_152027

 

અવઢવ વિવેચન : મૌલી ભટ્ટ


FB_IMG_1581047016876

 

 

આપણા શબ્દો કોઈને ગમે એ દિવસ તહેવારથી ઓછો ન હોય. 😍 ખૂબ આભાર મૌલીબેન. આટલું ધ્યાનથી અવઢવ વાંચવા અને આ બધા અવતરણો લખવા બદલ 🙏🏾❤️

સ્નેહી નિવા બેન…

આપની, મારી, સૌની, અવઢવ વાંચી, માણી, અનુભવી….
બુક તો ઘણા સમય થી વંચાય ગઈ હતી પણ અવઢવ માંજ હતી કે શું લખવું ને શું ના લખવું. નવલિકા સરસ છે, અને મેં સહરસ વાંચી પણ ખરી. હવે દરેક પાત્રનું અવલોકન કરવા બેસીશ તો એક નવી અવઢવ મારા તરફથી સર્જાય જશે. માટે મને ગમતા નોટેબલ ક્વોટ અહીં મુકું છું. અવઢવ વાંચન દરમિયાન મારું ઇનવોલ્વમેન્ટ કેટલું હશે એ સમજી શકશો…

1) પરિવાર એક એવું બંધન છે જેમાંથી છૂટવાની ઈચ્છા કોઈ કદી ના કરે.

2) સમજદાર પત્ની અને સંસ્કારી બાળકો એટલે એક સફળ પુરુષ.

3) માણસનું હૃદય નિષ્ફળતાઓને પણ ક્યારેક વાગોળી લે છે.

4) અઢળક મહેનત, અનેક મુશ્કેલી, અકલ્પ્ય મુકામો પાર કરીને મંઝીલે પહોંચવાની મજા સંકોચાય ને એક સ્થળે બેસી રહેતા ડરપોક માણસને કદી ના સમજાય.

5) એક આરપાર જોઈ શકાય તેવો પારદર્શક સંબંધ.

6) કેટલાક વણકહ્યાં સંબંધ તો સાવ અલગ અને અનોખા હોય છે. પ્રેમ ક્યારેય નિષ્ફળ નથી હોતો.

7) દરેકના જીવનમાં એક સંબંધ એવો હોય શકે જે અધુરો હોય છતાં મધુરો હોય.

8) આ એક એવો સંકોચાઈ ગયેલો સંબંધ હતો જેને આજે યાદો ની વાછટ લાગી ગઈ.

9) જીવન એક પરપોટાથી વિશેષ કશું નથી.

10) આપણે વિચારી નથી શકતા યા તો કબૂલી નથી શકતા અને એ સમય હાથમાંથી સરી જાય છે.

11) એક આગવા ભૂતકાળ વગરની કોઈ વ્યક્તિ હોઈ જ ન શકે એ આપણું મન કબુલતું થાય એ બહુજ જરૂરી છે.

12) સંબંધ નું રૂપ બદલાય જાય, એ ક્યારેય ખતમ થતા નથી.

13) લાગણીને બુરખો પહેરાવતા આવડી જાય પછી વ્યવહાર શરૂ થાય છે.

14) દરેક વ્યક્તિ જીવનસાથી સાથે વાત કરવાનો સમય પસંદ કરી શકે તો ઘણા ઘર્ષણો અટકી શકે.

15) સંબંધ એટલે બન્ને બાજુએ એક સરખી તીવ્રતા વાળું બંધન.

16) જે વસ્તુ કે વ્યક્તિ આપણી હોય એ ગમે તેવા ઝંઝાવાતો પછી આપણી જ રહે છે.

17) પોતાની લાગણીઓ ને દબાવી રાખી આજુબાજુના લોકોને ખુશ કર્યા કરવાની કળામાં સ્ત્રીને મહારથ હાંસિલ હોય છે.

18) મહત્વનું શું ? સંબંધ કે વ્યક્તિ ? વ્યક્તિ છે તો સંબંધ છે કે સંબંધ છે તો વ્યક્તિ છે…??????

19) આશ્વાસન એ બહુ પડકારરૂપ બાબત છે. કપરા સમયે સાવ ઔપચારિક ન લાગે એવા શબ્દો આમેય જડતા નથી. વળી લાગણીશીલ માણશો માટે શબ્દોનો સહારો બહુ મજબૂત નથી હોતો. સામે જો પોતાનું સ્વજન હોય તો સંબંધો વધુ નાજુક થઈ જાય છે. પણ સારું છે પ્રેમ ને, લાગણીને ભાષા નથી હોતી. એકાદ હૂંફાળો સ્પર્શ, એકબીજાનું સાંનિધ્ય બહુ મોટો આશરો બની જાય છે.

20) વીતી ગયેલી ઘટનાઓ આપણા મન પર પડેલા પગલાઓની જેમ મન પરથી ખેરવી, ઝાટકી, ખંખેરી, વિખેરી નાખવા માંગતા હોઈએ છીએ, પણ એજ યાદો ને વાગોળ્યા કરી, ચગળ્યા કરી ભીની માટીમાં પડેલા પગલાઓની જેમ એની છાપ મન પરથી ભૂંસવામાં નિશ્ફળ રહીએ છીએ. એ પછી સંબંધ હોય કે સ્મરણ હોય, વ્યક્તિ હોય કે વ્યથા હોય, એમ જલ્દી પીછો ક્યાં છોડે છે…!!

21) કોઈ કોઈને બદલતું નથી હોતું. સાચી વાત તો એ છે કે દરેક પોતાની જરૂરિયાત પ્રમાણે અને જેટલું બદલાતા હોય છે.

22) દરેક વ્યક્તિમાં અંદર બીજો ‘સ્વ’ રહેતો હોય છે, જે લોકોથી, દુનિયાથી એકદમ ખાનગી હોય છે. પોતીકો…સાવ અંગત… અંગત…

23) પ્રેમ હોય, નફરત હોય કે ક્ષમતા હોય. જ્યારે આપણે કશું સાબિત કરવા લાગી પડીએ છીએ ત્યારે સાબૂત નથી રહેવાતું. કશુંક કોઈક ખૂણે વિખરાતું, વલોવાતું કે તૂટતું હોય છે. બહુ સૂક્ષ્મ રીતે. સાબિત કરવું પડે એ સંજોગો જ મારકણા હોય છે…!!

24) સંબંધ જ્યારે કરવટ લે છે ત્યારે કરવત જેવા લાગતા હોય છે.

25) વિચારોને કોઈ મૂળ નથી હોતા. એને કોઈ ઘર નથી હોતું. એટલે આડેધડ ઝુંડમાં આવીને બધુ ખેદાનમેદાન કરી જતા વિચારો સાથે સંઘર્ષ કરવો ખૂબ અઘરો પડે છે.

26) દરેક માટે એનું પ્રિય પાત્ર જ નબળાઈ અને શક્તિ હોય છે.

27) શંકા કોઈ વ્યક્તિનો મૂળભૂત સ્વભાવ નથી હોતો. સંજોગોને આધીન તો કેટલાક અનુભવોને આધીન હોય છે.

28) લાગણી બહુ અમૂલ્ય વસ્તુ છે. (અહીં વસ્તુ કરતા લાગણીને એક તત્વ તરીકે જોઈએ તો કદાચ વધુ યોગ્ય લાગે) એને વેડફવી એટલે એક આખી વ્યક્તિ વેડફવી.

29) લગ્ન એની સાથે જ કરાય જે તમને પ્રેમ કરે.એની સાથે નહીં કે જેને તમે પ્રેમ કરો.

30) પ્રેમ એટલે તો સમજદારી અને સમર્પણની ધરી પર પાંગરતી લાગણી.

31) સંબંધો શરતી હોય શકે, પ્રેમ નહીં.

32) દરેક વ્યક્તિ એક જીવનમાં ઘણા સંબંધો જીવે છે, પણ પોતાનો મૂળ સંબંધ. પરિવાર ને ભૂલ્યા વગર.

33) અલગ અલગ શબ્દોના અલગ અલગ અર્થો સંજોગો પ્રમાણે સમજીને વાંચીએ તોજ માણસ વંચાય કે સમજાય શકે.

34) હથેળી આખા શરીરનું મહત્વનું અંગ છે. સ્પર્શ એ લાગણી પણ કહી શકે છે જે કોઈ શબ્દોની મોહતાજ નથી.

35) સંબંધોની ઇમારત ભલે ગમે એટલી કાળજી થી બનાવેલી હોય, ધરતીકંપ જેવો એકાદ હળવો આંચકો એને જમીનદોસ્ત કરી મૂકે છે.

36) એકમેકની નાની નાની વાતોના ચાહક હોવું ખૂબ જરૂરી હોય છે. એના માટે ખૂબ બધો સમય એકબીજાને સમજવા અને નિહાળવા જરૂરી હોય છે.

37) જો ભારેખમ વાતો ચર્ચિ શકે એટલી હળવાશ અને મોકળાશ સંબંધ માં હોય તો સંબંધ વેંઢારવો નથી પડતો. જીવી શકાય છે. ..!!

38) ક્યારેક લાગે કે આપણા જીવનમાં “શું” છે એ કરતા “કોણ” છે એ બહુ અગત્યનું હોય છે.

39) પરણ્યા પછી અન્ય તરફ થતી વિશેષ લાગણી એટલે પૂજા, શુભેચ્છા, ત્યાગ, બલિદાન, સહકાર, પ્રોત્સાહન, સહારો હોય અને એ પણ શરીર બહારની લાગણીઓ હોય એ અપેક્ષિત છે.

40) શરીર પામવું અને મન પામવું બન્ને સાવ અલગ વાત છે અને મન વગરનું શરીર લગ્નજીવનમાં ખતરાની ઘંટી જેવું હોય છે.

41) લગ્ન એટલે એકબીજાને જેવા છે તેવા સ્વીકારવાની કોશિશ.

42) સાચા સમયે થોડું કડવું, સાચું કહેનાર બહુ અંગત હોય છે.

43) એકબીજાને એકબીજાની જરૂર છે એ જણાવવાનો એકપણ મોકો ચૂકવા જેવો નથી.

હવે આ ઉપરોક્ત નોટેબલ કવોટ્સ એ મને વાંચતાજ હૃદય સોંસર્વા ઉતરી ગયા હતા. હું બને ત્યાં સુધી મારી કોઈપણ પ્રકારની સંવેદના, લાગણી કે અન્ય કોઈ મનોભાવો ને કલમ/શાબ્દિક રૂપે નથી ઠાલવતી, કિન્તુ અવઢવ મને સ્પર્શી….ગમી, મારી લાગી એટલે આજે અજાણતા જ શબ્દો વાટે મારી લાગણીઓને ઢોળી બેસી.

આપ તો ખુદ સર્જક છો, વાચકની વ્યથા અનુભવી શકશો…ટૂંકમાં એટલું કહીશ કે હજુય વાર્તા આગળ વધી શકે એવી ઘણી-ઘણી શક્યતાઓ છે.

મારી અને અમારી સૌ રીડર બિરદારોની શુભકામનાઓ અને શુભેચ્છાઓ સાથે બહુ બધું વ્હાલ…

લી.
મૌલિ…..
(૨૬-૦૧-૨૦૨૦)

Mauli Bhatt

અવઢવ વિવેચન : જ્યોતિ પલાણ


FB_IMG_1579670176864

 

છપાયાનાં દોઢ વર્ષ પછી… ‘અવઢવ’ ખરીદી અને તમે વાંચી 💐🥰😍🙏🏾તમારા દરેક શબ્દોમાં તમે ‘અવઢવ’ વિશે ખૂબ વિચાર્યું છે એ જણાય છે. આભાર માનું? 🤔 💞

********

Hi..
કેમ છો સખીઓ સહેલીઓ. ..મજા મા જ હશો. ગ્રુપ મા હોય ત્યારે તો મોજ હોય આપણું પોતાનું પોતીકું પિયર ધણુ મળે છે અહીં આજે વાત આ અવઢવ ની કરવી છે .હુ ધણા વખત થી આ બુક વાંચવા આતુર હતી પણ અમરેલી મા મળી નહી પણ રાજકોટમાં આવી એટલે મળી પુસ્તક મેળા માથી Slf મા હેમુગઢવી હોલ પર રવિવારે રાત્રે 9વાગે છેલ્લે મારી એન્ટ્રી પછી થી બંધ થવાનો હતો અને હુ લઇ આવી.જાણે જંગ જીત્યો.
પછી વાંચવા માટે ની તાલાવેલી પણ રાત્રે મોડુ થયું સવારે 5વાગે ઉઠી ટીફીન બાળકોને સ્કુલ મુકવામાં કામ મા બપોર થઇ જલદી પરવારી ને બુક હાથ મા લઇને લગભગ 2કલાક મા તો વાંચી ને પુરી કરી પછી મારા મગજમાં પાત્રો ફરતાં રહયાં. ..
જોકે મગજ ની કસરત માટે નીવા દી એ ધણા પ્રશ્નો મુક્યા જ છે તો મારો અભિપ્રાય નીચે મુજબ છે
1..પ્રેરણા કદાચ લડયા કરે તો તેની સમજ ઓછી છે તેમ લાગે પણ હકીકતમાં જ્યા પ્રેમ હોય ત્યા છુપી ઇષાઁ હોય જ એટલેકે તે ખૂબ પ્રેમ કરે જ છે પણ સમજદારી મા ઉણપ છે કદાચ પ્રેમ થી ભરી શકાય અને વ્યક્તિ બદલી શકાય. ..
2..ત્વરાએ મળવાની ઇચ્છા કરે તો તે સ્વભાવિક છે કે તે એક સ્ત્રી છે તે જોવા માંગે કે ત્વરાએ શું જાદુ કયોઁ હશે જે આટલા વષોઁ સુધી અકબંધ રહયો જોઇ મળી ને જાણી શકે બને કે પરિવાર સાથે દોસ્તી પણ થાય.
3.. બન્ને સખીઓ બને તો તો આનંદ ની વાત છે.
4..તૃષા અમદાવાદ આવી જાય તો સારી દોસ્ત સાબિત થાય કદાચ હેલ્પ કરે બધા મિત્રોએ મળે પરિવાર સાથે ભેગા મળે. .
5..બધું સરસ જ બને તે એક પોઝિટિવ વિચાર છે અને ઇશ્વર કરે બને
6..બને કે આ બધું ઉલટું થાય શંકા ના વમળમાં બધું ફસાઈ ને દોસ્તી તુટી જાય લગ્ન જીવનમાં ભંગાણ થાય બાળકો નફરત કરે કોઇ એકબીજાને સ્વીકારી ન શકે સમજદારીનો અભાવ ધણુ અનિષ્ઠ કરે. ..
જોકે ઉપર લખ્યું તે સવાલો ના જવાબ હતા. પણ મને તો દરેક પાત્ર પોતાની જગ્યા એ સરસ લાગ્યા પણ આ એક ધટના લાગી બાકી જિંદગી તો ધણી વિશાળ છે અનુભવ ધણા હોય એક પડાવ જીવનમાં આવે દરેક માટે કે સમયે ન કહેલી વાતો ખૂંચે પછી કહેવાથી કોઇ ફરક ન પડે આજ ની જનરેશન ખૂબ ગમે જલ્દી થી કહે સમજે સ્વીકારે. પહેલાં તો ઉછેર જ ખુબ મયાઁદા માટ થયો હોય મા બાપ ની ઇજ્જત માટે ધણી લાગણીઓ બલી ચડી જતી હવે એટલું સારુ છે કે દરેક ને સ્વતંત્ર નિર્ણય લેવા મળે છે. પોતાની મરજી થી જીવવું ઉત્તમ છે. બધું સમયસર સ્વીકારે તે સ્ત્રી પણ મનના એક ખુણામાં લાગણી તડફડી ને રીબાતી હોય છે.
જોકે ધણુ લખી શકાય પણ હવે વાંચી ને કંટાળો તે પહેલાં સ્ટોપ કરુ .પણ દરેક અનુભવો ઉતરી નથી શકતા કાગળ પર ધણા મનમાં જ ઘર વસાવે છે. ચાલો હવે જેણે આ વાંચી છે તે સહમત છે તો કહો….

લવ યુ નીવા દી. ..💖🌹🎊💐
ગોડ બ્લેસ વધુ લખો હસતા રહો. ..💖🌹🎊😍

Jyoti Palan 🙏🏾💐

અવઢવ વિવેચન : ડૉ સ્વાતિ શાહ


ઘણા દિવસે આજે જૂની અનુભૂતિ થઈ 😍. બ્લોગ પર તો ‘અવઢવ’ લગભગ રોજ વંચાય છે… પણ કોઈ સખી ખરીદીને ‘અવઢવ’ વાંચે અને રિવ્યૂ પણ મોકલે એ બમણી ખુશીની વાત લાગી. 🎊🥰👑

તમારો ખૂબ ખૂબ આભાર સખી 😍 💐

********

‘અવઢવ’ જરાય અવઢવ વગર એક જ બેઠકે વાંચી નાખી. વાર્તા છે એટલે એક બે પાત્રો સબળ અને એક બે થોડાં નબળાં રહેવાના. ત્વરા અને પ્રેરકનાં વ્યક્તિત્વ ખૂબ પ્રભાવશાળી છે, પણ નૈતિક અને પ્રેરણા વધુ વાસ્તવિક. સમાજમાં શોધવા જાવ તો ત્વરા હજુયે મળી જશે, પ્રેરક શોધવો ખુબ મુશ્કેલ. પાત્રાલેખન એવું છે કે દરેક વાચક પોતાને કોઇ ને કોઇ પાત્રમાં જરૂર શોધી શકશે. મજા આવી. ખૂબ ખૂબ અભિનંદન. વધુ ને વધુ વાર્તાઓ લખવા માટે શુભેચ્છાઓ.

DrSwati Suchak ShahFB_IMG_1579413753083

આભાર… અજાણ્યા મિત્રોનો 🙏🏾


મિત્રો,

છેલ્લા ઘણાં સમયથી હું નોંધી રહી છું કે USA નાં ઘણાં બધા મિત્રો રોજે રોજ blog પર આવી ચડે છે. 😍 💐 ખુશી અને આભારની લાગણી અનુભવુ છું

પણ મારી એક વિનંતી છે.

તમને blog પર શું ગમ્યું… શું ન ગમ્યું એની ટિપ્પણી આપતા રહેશો તો મને ખૂબ આનંદ થશે.

હાલ તો ઘણા વખતથી કંઈ નવું લખાતું નથી. માનસિક, શારીરિક અને સર્જનની દ્રષ્ટિએ નવું લખવાની કોઈ સજ્જતા જણાતી નથી પણ શકય છે કે તમારા કોઈ પ્રોત્સાહક ધક્કાથી હું ફરી લખતી થઈ જાઉં પણ ખરી. 😅

તમે બહોળી સંખ્યામાં મારા બ્લોગને વાંચો એ બદલ આભારી છું. 💐 🙏🏾

— નીવારાજ

છઠ્ઠી વર્ષગાંઠ 😍🙏🏾


મારા બ્લોગ “શૂન્યતાનું આકાશ “નો આજે જન્મદિવસ … 🥰 💐 😍 😘 🍰 🎁 🎈

આ આકાશ ન હોત તો મારા વિચારો અને ઇરાદાઓની પાંખો બસ થોડું જ ફફડી શકી હોત. આજે મારામાં થયેલા થોડા સકારાત્મક ફેરફાર આ આકાશને અર્પણ. … આ આકાશની મુલાકાત લેનાર મિત્રોને અર્પણ.

https://nivarozinrajkumar.wordpress.com/

આજથી બરાબર છ વર્ષ પહેલા “કશુંક નવું કરવું છે” … “પોતાની જાતને એક નવો આયામ આપવો છે” … “વધુ નહી તો એક પ્રયત્ન કરવો છે” …”મને સારું લખતા આવડે છે ” … “લોકો ખુબ વાંચશે “એવું કશું જ વિચાર્યું ન હતું …. સાવ અચાનક મારા મિત્ર , મોટાભાઈ અને માર્ગદર્શક Bhupendrasinh Raolબાપુનો ફોન આવ્યો અને એમના અને Samuel Rajkumarના પ્રોત્સાહનથી બ્લોગ બની ગયો . મિત્રો મને વાંચતા રહ્યા અને લખવા તરફ ધકેલતા રહ્યા.

ઓપરેશન પછી હોર્મોન્સના અભાવે માનસિક રીતે ભાંગી પડાતું હોય છે તેવું વાંચ્યું હતું … મારા સમજુ પરિવારજનોએ.. ખુદ ગુજરાતી વાંચતા ન હોવા છતાં મને અકલ્પ્ય સાથ અને પ્રોત્સાહન આપ્યા છે. અને મારા આ નવા પ્રયાસ માટે ખુબ ગર્વ પણ અનુભવ્યો છે …. ખાસ તો મારા સાસુમાએ વારે વારે “આજકાલ શું લખે છે ?”.. “મને તારી વાર્તા કહે” એવું કહી મારામાં પ્રાણ પૂર્યા કર્યો છે …. ❤

મોડી રાતે મને વાંચતી કે લખતી જોઈ ક્યારેય ફરિયાદ ન કરવા બદલ કે નારાજ ન થવા બદલ … બલ્કે સહકાર આપવા અને ચર્ચા કરવા બદલ મારા પ્રેમાળ.. super human પતિનો આભાર માનું છું . ❤

બસ, એક અકાળે આવી પડેલા વિરામ અને એકલતા , નીરસતા અને કંટાળાથી બચવા શરુ કરાયેલા આ બ્લોગમાં શું લખવું એ પણ ખબર ન હતી . પણ આડા અવળા , ઝૂંડમાં આવતા વિચારોને શિસ્તબદ્ધ ગોઠવતા આવડતું ગયું અને લખાતું ગયું … કેટલુંક અચાનક ઉગીને લખાયેલું ઘણું બાલીશ લાગે તેવું પણ હશે … પણ મને ખુશી છે કે ખુબ લોકોએ એ વાચ્યું છે ..વાંચી રહ્યા છે … 🙂

શીખતા શીખતા ઘણું લખાયું ..અરે , હા …કેટલુંક વખણાયું પણ ખરું … 🙂 .

હું ગુજરાતી હોવા છતાં વ્યાકરણની અનેક ભૂલો ભરેલું મારું લખાણ ઘણું અપરિપક્વ છે એ મને પણ ખબર છે … 😦

‘આપણો સમાજ’ ….’વાર્તા’ ….’આપવીતી’ …અને ‘કલા’ વગેરે વિભાગોમાં લખાયેલા લગભગ લેખોની ક્વાલિટી શું છે એ મને ખબર નથી ..કારણ એકદમ સાદા સીધા વિચારો છે પણ એ મારા પોતાના વિચારો છે …બ્લોગ પર ‘આપવીતી’માં મારા જીવનમાં બનેલા પ્રસંગો પણ છે જેને મેં કોઈ રીતે છૂપાવ્યા નથી ….એ સારું કહેવાય કે નહી એ વિષે ઝાઝું વિચાર્યા વગર મનમાં આવતું ગયું અને હું શબ્દોમાં ઢાળતી ગઈ છું … !!!

કયારેક સરાહીને સકારાત્મક પ્રોત્સાહન આપવા બદલ તો ક્યારેક ટીકા કે ઠેકડી કે મજાક કે ટીખળ કરી મને બમણી મજબુત બનાવવા માટે મિત્રો (!) નો આભાર માનું છું.

મારા જીવન અને બ્લોગ માટે સૌથી મોટી નોંધપાત્ર ઘટના ‘કથાકડી’ ગણાય. 🤩 સતત પોતાની સિધ્ધિઓનો પ્રચાર. ..પ્રસાર કરતા આ સમય અને માધ્યમને જોતા ઇશ્વરનો આભાર કે હું મારો નહી …. અન્યનો પ્રચાર કરી શકું એવું મન અને તક મને આપ્યા . ☺ માધ્યમ કથાકડી હોય કે શબ્દાવકાશ…કે પછી માતૃભારતી. …

શબ્દયાત્રામાં સાથ આપવા બદલ …પ્રોત્સાહન આપવા બદલ બધા જ (72111) મિત્રોનો આભાર માનું છું 💐😍

અવઢવ વિવેચન : ખીમાનંદ રામ


FB_IMG_1559100745553.jpgઅવઢવ.. મિત્રો વાંચે છે અને પ્રતિભાવ આપે છે ત્યારે મારી સાવ શાંત પડી ગયેલી કલમ થોડો સળવળાટ કરે છે. ઘણા દિવસો પછી ફરી એક વાર એક સુંદર પ્રતિભાવ આવ્યો છે. ખીમાનંદભાઈ એક લાગણીશીલ માણસ છે એ તો આપણે બધાએ અનુભવ્યું હશે. મારામાં એમને એમનાં એક શિક્ષક ભાનુબેન દેખાય છે એટલે એમનો અહોભાવ પણ મારા સુધી પહોંચે છે. એક શિક્ષકની આ ઉપલબ્ધિ ગણાય 😍

*******

આરંભે જ એક કબુલાત
અવઢવ વિશે હું અંધારામાં હતો.
મને એમ કે એ નિવારોઝીનબેનની ફેસબુકની પોસ્ટમાંથી થોડીક વિણેલી પોસ્ટનુ સંપાદન હશે.
પણ આ તો એક એવી કથા નીકળી જે રીતસર કથા પ્રવાહ માં ખેંચી જાય. પુસ્તક વાંચન લગભગ ઘણા સમય થી છુટી ગયું છે. પ્રેમ કથાના પાત્રો મોટાભાગે મુગ્ધ વયના જ હોય એવા નિયમ થી જુદો ચીલો ચાતરતી કાજલ ઓઝા વૈદ્ય લિખીત એક સાંજને સરનામે પછી મેં વાંચેલી આ કથા વાસ્તવિકતાની ખુબ નજીક છે. લેખીકા કહે છે એમ મેચ્યોર માણસ એ કથાના એકાદ પાત્રમાં પોતાને અનુભવે. પાત્રો ય કયાં વધુ છે ? બે યુગલ નૈતિક પ્રેરણા અને ત્વરા પ્રેરક અને એમના સંતાનો એ સિવાય નેન્સી અને તૃષા. લેખનમા કયાંય આછકલાઇ પણ નહી આદર્શ કે ઉપદેશાત્મક વાત પણ નહિ.
કથાનુ શિર્ષક ‘અવઢવ’ ઉત્તમ જ છે
નવા ટ્રેન્ડ મુજબ કૌંસ માં લખી શકાય (લાગણીઓ અને જવાબદારીઓનું દ્વંદ).

પુસ્તકના આરંભે લેખિકાએ ઋણાનુબંધન અને અવઢવમાં પોતાના મનની વાત કહી છે.

લક્ષ્મીબેન ડોબરિયા એક ઉત્તમ કામ કર્યું. કથામાંથી જે અવતરણો ટાંકયા છે એ તો ઉત્તમ છે જ આશિષભાઈ ખારોડ પણ જાણે કે ઝાંપલીએ આવી હાથ ઝાલીને વાચકને અંદર દોરી જાય.
મે આ કથા દોઢ વખત વાંચી.
જી હા,એક વખત છ પ્રકરણ વાંચ્યા વચ્ચે ત્રણ ચાર દિવસનો વિરામ આવ્યો ફરી શરૂ કરી ત્યારે સાતમા પ્રકરણના થોડાંક પાનાઓ વાંચીને પહેલેથી નવેસરથી શરૂ કરી હજુ એકાદ વાર વાંચીશ મારે માટે કથા ભલે જાણીતી થઇ ગઇ પણ અંદરના જે અવતરણો છે એ એકલાં વાંચવા કરતાં ઘટના સાથે વાંચવા વધુ અસરકારક લાગે છે.જે અઢળક સંખ્યામાં છે જેમાંથી માત્ર એક અવતરણ લખવાની લાલચ નથી છોડી શકતો.

“આમ પણ પુરુષો ભલે કહે કે સ્ત્રી લાગણીઓ કાબૂમાં નથી રાખી શકતી, પણ સત્ય એ છે કે પોતાની લાગણીઓને દબાવી રાખી આજુબાજુ રહેલા લોકોને ખુશ કરવાની કળા સ્ત્રીને મહારથ હાંસિલ હોય છે.”

હુ ઉમેરીશ કે પ્રણયમા ઉન્માદ બંને પક્ષે હોય છે પણ મહિલાનો ઉન્માદ to the point હોય છે. ખાસ અંગત સખી સિવાય વાત નહીં કરે ગમે તેને એ કળાવા ન દયે જયારે પુરુષ કદાચ પ્રેમમાં વધુ વાચાળ થઇ જતો હોય છે.
આમ પણ કળા મોર કરે છે (ઢેલ નહીં) જે ટહુકે છે તે કોયલ માદા નહીં પણ નર હોય છે.
હા મહિલા માટે પ્રેમમાં નિષ્ફ્ળતા માં જાતને જીરવવી ખુબ મુશ્કેલ હોય છે.

મુખ્ય વાત
માણસ સહજ ભાવે તાળી કયારે પાડે જ્યારે પોતાને ગમતું કંઇક જુએ કે ભાળે કે અનુભવે .
એક પુસ્તક જુદા જુદા વાચકોને આપીને પેન્સીલ થી અંડર લાઇન કરવાની છુટ આપો તો કેટલાકના અંડર લાઇન સમાન હશે અમુકના અલગ અલગ જે દર્શાવે છે કોને શું સ્પર્શ્યું ?
શા માટે સ્પર્શ્યું એ જ કદાચ આ કથાની આત્મા છે હૃદય છે.

અમૃત ઘાયલના એક શેર સાથે સમાપન

ખોટી તો ખોટી હૈયા ધારણ મને ગમે છે
એ જળ હોય ઝાંઝવાના તો પણ મને ગમે છે
કારણ નહીં જ આપું કારણ મને ગમે છે.

— Khimanand Ram 😊

અવઢવ વિવેચન : ભાવિષા શાહ


FB_IMG_1556870751182.jpg

 

 

આજે વેલેન્ટાઈન ડેનાં દિવસે મારી પુખ્ત પ્રેમકથાને મારી સખી તરફથી સુંદર પ્રતિભાવ મળ્યો છે. 😍😘 મારા મનની ઉથલપાથલ ઘણી સરસ રીતે ભાવિશાબેને પકડી છે.

કોઈ પણ પાત્ર ઉપસાવવા માટે એ પાત્રને શ્વસવુ પડે છે. અને મેં કોઈ વાર્તા શિબિર એટેન્ડ કરી નથી કે વાર્તા લેખનની તાલીમ લીધી નથી એટલે જેમ જેમ આવતું ગયું તેમ તેમ લખાતું ગયું. લેખક બનવાની વાત તો દૂર અમદાવાદમાં નોકરી વગર ખાલી પડેલા મનને વ્યસ્ત રાખવાનો એક યત્ન હતો… કે લખતાં રહેવું!… આજ સુધી મેં કોઈ પણ છાપાં કે મેગેઝીનમાં વાર્તા મોકલી નથી… કારણ કે મને ખબર છે કે હું લેખક નથી. 😊

મારા સ્નેહીઓ મને વાંચે અને સમજે છે એ મારી સમૃધ્ધિ છે. ખુબ ખુબ આભાર સખી. 😍😊🙏

******

લગભગ દોઢ વર્ષ પહેલાં એક નવલકથાનો રીવ્યૂ લખેલો.
મને જે બરાબર ઓળખે છે તેઓ જાણે જ છે કે હું મારા કામ કરતી વખતે અંગત સંબંધ ને ક્યારે પણ વચ્ચે લાવતી નથી .મને જે લાગે તેવું જ સ્પષ્ટ લખવાની પહેલેથી આદત છે. જેને કારણે ઘણા લેખક મિત્રો કે જેઓ તેમની તેમની કૃતિના માત્ર હકારાત્મક રિવ્યુ ની અપેક્ષા રાખતા હતા તેઓને થોડું માઠું લાગેલું એટલે જ પછી રિવ્યુ લખવાનું બંધ કરેલું અને નવલકથાઓ વાંચવાનું પણ ઓછું કરેલું. હવે હું સિલેક્ટેડ લેખકોની જ નવલકથાઓ વાંચુ છું.

“અવઢવ” ઘણાં સમયથી વાંચવાની ઈચ્છા હતી.પણ આજે મધુની પોસ્ટ વાચ્યા પછી વાંચી જ લીધી.ને મારી આદત મુજબ એક જ બેઠકે પૂરી વાંચી.

કોઈ પણ નવલકથા દરેક જનરેશનના વાંચકને સજજડ પણે જકડી રાખે તે લેખકની ખૂબી કહેવાય.

‘અવઢવ’ની કથા તેના મુખ્ય પાત્રો ત્વરા,નૈતિક,પ્રેરણા અને પ્રેરકની આસપાસ ઘૂમે છે જે ચાલીસી વટાવી ગયેલા લગભગ દરેક વાંચકને પોતાની જ જીવની હોય એવો અહેસાસ કરાવે છે.સાથે અનુષ્કા અને પ્રાપ્તિના પાત્રો દ્વારા આજની પેઢીને પણ આ લઘુનવલ અંત સુધી વાંચવા મજબૂર કરી દે તેવું આલેખન કર્યું છે.

વર્ષો પહેલાં એકબીજા માટે અવ્યક્ત રહેલી લાગણીઓને મનમાં જ ધરબીને ત્વરા અને નૈતિક અન્ય પાત્રો  પ્રેરક અને પ્રેરણા સાથે પરણી જાય છે.વર્ષો બાદ સોશીયલ મીડીયા પર બન્ને એકબીજાને મળે છે અને ફરી એકવાર શરૂ થાય છે લાગણીઓના પ્રવાહને વ્યક્ત કરવાની ‘અવઢવ’.

કેમ્પમાં બનેલા દોસ્તને નામ વગર પત્ર વ્યવહાર ની છૂટ આપતા ત્વરાના માતા પિતા જ્યારે એમ કહે છે કે પર ન્યાત માં પરણીને મારી દીકરી અમારું નાક કાપે એવી નથી ત્યારે આજની પેઢીને એમાં ચોક્કસ વિરોધાભાસ દેખાશે.પણ એ સમયે  માબાપ એવી જ દંભી માનસિકતા ધરાવતા હતા.ને એ માનસિકતાએ લાખો યુવાન હૈયાઓની લાગણીઓને તહસ નહસ કરી નાખી હતી.જેની સાક્ષી પૂરશે આજે ચાલીસી વટાવી ગયેલા અઢળક લોકો! લેખિકાએ એ દંભી માનસિકતા ને સુંદર રીતે સચોટ પણે રજૂ કરી છે.

ત્વરાના ઓછા બોલા પાત્ર દ્વારા એ સમયે કરાતા દીકરીઓના ઉછેરનો આડકતરી રીતે અસરકારક ઉલ્લેખ કર્યો છે.

પણ આ આખી કથામાં પ્રેરકનું પાત્ર અવાસ્તવિક લાગ્યું .
પોતાની પત્નીને આટલી સ્પેસ હજુ આજના પતિઓ પણ આપી શકતા નથી ત્યારે વીસ બાવીસ વર્ષ પહેલાં આટલો નિખાલસ,પરિપકવ અને સમજદાર પુરુષ એક સ્વપ્નવત બાબત જ લાગે.પ્રેરકની પરિપકવતા અને તેની અને ત્વરાની આપસી સમજને કારણે તથા  પ્રેરક પરત્વેના આદરને કારણે ત્વરા પોતે એવી ‘અવઢવ’માં મુકાય છે કે નૈતિકને ચાહે છે તે ખુદને ય કહેવા તૈયાર નથી.લેખિકાએ પણ એ સ્પષ્ટ નથી કર્યું.(ત્યાં ય ‘અવઢવ’)

પ્રેરણા નું પાત્ર વાસ્તવિક લાગ્યું.તેને હજુ વધારે વિસ્તારી શકાયું હોત.

આખી કથા એક ભાવવાહી પ્રવાહમાં વહી જાય છે .સામાન્ય લાગતા વિષય પર અંત સુધી જકડી રાખે તેવી શૈલીમાં લખાયેલી છે “અવઢવ”

લેખિકાએ અંત પણ ‘અવઢવ’માં રાખ્યો છે.
પ્રેરણા અમદાવાદ આવશે પછી શું બની શકે તે વાંચકો પર છોડીને વાંચકોને ય ‘અવઢવ’ માં મૂકી દીધા.

કેટલાક ડાયલોગ હૃદયને સ્પર્શી ગયા.

‘સંબંધનો અર્થ જોડણીકોશ માં સાવ અલગ હોય છે અને જીવન કોષમાં સાવ અલગ.કારણ…સંબંધ લખવાના કે વાંચવાના નહિ જીવવાના હોય છે.’

‘દરેક વ્યક્તિ ની અંદર એક બીજો “સ્વ” રેહતો હોય છે. જે લોકોથી, દુનિયાથી એકદમ ખાનગી હોય છે.
પોતીકો… સાવ અંગત… અંગત….’

‘પ્રેમ હોય, નફરત હોય કે ક્ષમતા હોય… જ્યારે આપણે કશુંક સાબિત કરવા લાગી પડીએ છીએ ત્યારે સાબૂત નથી રહેવાતું.    …કશુંક કોઈક ખૂણે વિખેરાતું, વલોવાતું કે તૂટતું હોય છે…..બહુ સૂક્ષ્મ રીતે…સાબિત કરવું પડે એ સંજોગો જ મારકણા હોય છે..’

ભારેખમ હૈયાઓની સૂક્ષ્મ લાગણીઓને ભાવવાહી શૈલીમાં રજૂ કરતી આ લઘુ નવલકથા મનને સ્પર્શી ગઈ.

— Bhavissha Shah Achiever 😊

અવઢવ વિવેચન : મધુ ધામસાનિયા


FB_IMG_1556870431622.jpg

ઘણા સમયથી રિવ્યુ પર બ્રેક લાગી હતી. 🙄

બ્લોગ અને માતૃભારતી પર ‘અવઢવ’ વંચાયા કરે છે એટલે પણ બહુ વેચાતી નથી છતાં ભાગ્યે જ કોઈને ભેટ આપી છે પણ જેમણે ખરીદી છે એમની પાસે પણ પ્રેમભર્યા મેણાટોણા મારી પઠાણી ઉઘરાણી ચાલુ રાખું છું 😉 😂

પણ આભાર Madhu Dhamsaniya નો 😍😘…

‘અવઢવ’ હાથમાં આવતા જ ઝટપટ વાંચીને ફટફટ રિવ્યુ આપી દીધો. મધુ એક સારા વાચક છે. અઢળક વાંચે છે એટલે એમનો તટસ્થ અને કડક રિવ્યુ થોડો ખાસ અને અગત્યનો લાગ્યો 😍
……

કોલેજકાળમાં ટેવ હતી કોઈ પણ પુસ્તક એકી બેઠકે વાંચવાની. ભણવાનું પૂરું થતા એ ટેવ પણ છૂટી ગઈ. ‘અવઢવ’ હાથમાં લીધી અને એકી બેઠકે વાંચી નાખી. બેશક તે કલાસીક વાર્તા નથી જ પણ હા, મારા જેવા સામાન્ય વાંચકને કંટાળો પણ નથી આવવા દીધો.

સોશિયલ સાઈટથી વર્ષો જૂના દોસ્તો મળે છે. એવા દોસ્તો જેને એકબીજા માટે કૂણી લાગણી હતી પણ વ્યક્ત ના કરી શક્યા. આપણી આસપાસ ત્વરા, પ્રેરણા,નૈતિક જેવા માણસો મળી રહેશે પણ, પ્રેરક જેવા ઓછા. પ્રેરકની એ પરિપક્વતાના કારણે જ ત્વરા તેની સાથે ખુલીને નૈતિક સાથેના સંબંધની વાત કરી શકી. જ્યારે પ્રેરણા સાથે નૈતિકે નિખાલસતા ના કેળવી શક્યો. પણ જોવા જઈએ તો પ્રેરણાનું પાત્ર વધુ વાસ્તવિક લાગ્યું આપણી સામાજિક વ્યવસ્થામાં.

ત્વરાના મમ્મી એટલા બધા આધુનિક હતા કે તેની દીકરીને કેમ્પમાં મળેલા છોકરા સાથે પત્ર-વ્યવહાર કરવાની છૂટ આપે છે. પણ એ જ એવું પણ માને કે એની દીકરી કોઈ બીજી નાતના છોકરાને પ્રેમ કરે તો મા- બાપની ઈજ્જત જાય તે વિરોધાભાસ લાગ્યો.

“અવઢવ” શીર્ષક 100% યથાર્થ ઠરે છે. ખૂબ ઓછા પાત્રોમાં સંકળાયેલ અવઢવ લઘુનોવેલ વાંચવી ગમી.

ઘણાં બધાં મસ્ત “વન લાઈનર્સ” છે આમાં, જેમ કે…..

– સાબિત કરવું પડે એ સંજોગો જ મારકણા હોય છે.

– આપણે ઇચ્છીએ કે માણસ બદલાઈ જાય, આપણી ધારણા મુજબ વર્તન કરે અને જો એ બદલાઈ જાય તો સહન પણ નથી થતું.

સ્ટોરી આજના જમાનાને સ્પર્શે એવી છે. પાત્રો ખુબ જ સારી રીતે ઉપસાવવાનો પ્રયાસ થયો છે. વાર્તા ક્યાંક ક્યાંક ઇમોશનલ પણ કરી જાય છે. દરેક જેણે કયારેય પ્રેમ કર્યો હશે અને કહેતા કહેતા રહી ગયા હશે એ પોતાના જીવન સાથે રિલેટ કરીને જોઈ શકશે આ સ્ટોરીને.. આજના FB અને WA ના જમાનામાં લેટર જ રેર થઈ ગયા છે તો નવી પેઢીને સમાજમાં રેર થઈ ગયેલ ચિઝો અને એના ઇમોશનલ વેલ્યુ સાથે રૂબરૂ થવાનો મોકો પણ આપશે.

સાવ સામાન્ય વિષય પર લખાયેલ ‘અવઢવ’ અંત સુધી વાંચકને વાંચવા મન કરાવે છે….

— મધુ

અવઢવ વિવેચન : રેખા પટેલ


Screenshot_20190503_131927

 

અવઢવ,
નીવાબેન, ઘણી વાર્તાઓ ,લઘુ કથાઓ, નવલકથા ઘણાં બધા પુસ્તકો વાંચન કરેલું છે અને વાર્તામાં રહેલા પાત્રો હંમેશા હું મારી આસપાસ શોધ્યા કરું છું. કલ્પના થકી જન્મેલા પાત્રો હંમેશા સાચા નથી હોતા અથવા તો સાચી જિંદગીમાં મળતા નથી હોતા. પણ ‘અવઢવ’ની વાર્તા ઘણા અંશે સાચી પુરવાર થઈ છે. ‘અવઢવ’ ને ઘણી ખરી મેં મારા જીવનમાં અનુભવી છે. પ્રેરણા , ત્વરા ,નૈંતિક ,પ્રેરક આ બધા પાત્રો મારા જીવનમાં આવી ગયા છે અથવા તો મારી આજુબાજુ જીવંત છે ,
‘અવઢવ’ ને પૂરેપૂરી રીતે જીવવાનો મેં પ્રયત્ન કર્યો છે. એક પુસ્તકને જીવીને ખુબ આનંદ થઈ રહ્યો છે એવું કહેવું કઈ ખોટું તો નથી. પ્રેમ ભલે ના હોય પણ મિત્ર  તો હતા જ અને આજે પણ છીએ .’અવઢવ’ની વાર્તા પરથી આજે જીવનસાથી પ્રેરક તરીકે ચોક્કસ સાબીત થયા છે .મારા  ઘરમાં રહેલા દરેક સભ્ય નિખાલસ તો છે જ સાથે એક સારા મિત્ર પણ સાબિત પુરવાર થયા છે, ઘણી વાર એવું બનતું હોય છે કે કોઈ એક સભ્ય નાસમજ બનીને આપણી સમક્ષ આવી પહોંચે છે જેમ કે પ્રેરણા, પણ સદનસીબ પ્રેરણાનું સ્થાન કોઈ એ સ્વીકાર્યું નથી મારા જીવન માં. આ વાત નો ખુબ આનંદ છે મને. લગ્ન જીવન માં આશાઓ અને અપેક્ષાઓ થોડી ઓછી રાખીયે એટલું જ સારું અને સરળ  બને છે .
બસ એટલું કહીશ કે ‘અવઢવ’ ભાગ ૨ આવશે અને બધું જ સરસ બનશે, પ્રેરણા એટલી સમાજહિન નથી કે સમજાવાથી સમજી ના શકે અને કદાચ ત્વરા અને પ્રેરણા એટલા ગાઢ મિત્રો બની જશે કે કોઈનાં પણ મનમાં કોઈ રંજિશ નહિ રહે .

— રેખા પટેલ